Google ADS

Belgjika tërheq lejen e qëndrimit të Imamit selafist

13:52 | 3 Tetor 2017
Arbresh.info

Belgjika ka ndërmarrë hapa për të dëbuar imamin saudit, i cili predikon në xhaminë më të madhe për shpërndarje të ideologjisë ekstremiste.

Leja e qëndrimit të imamit është tërhequr si prelud për dëbimin e tij, transmeton portali arbresh.info. Ai ka nisur një apel kundër vendimit, që nëse dështon do ta obligojë atë të largohet nga vendi, ka thënë Theo Francken për radion BelRTL.

Xhamia e Madhe e Brukselit, që i është dhënë me koncesion Arabisë Saudite për 99 vite në vitet 1960 si pjesë e marrëveshjes së energjisë, është përballur me akuza nga politikanët lokalë për propagandim të formave konservatore të islamit.

“Ka një problem me Xhaminë e Madhe, kam marrë vendimin për të tërhequr lejen e qëndrimit të imamit të asaj xhamie”, ka thënë Francken.

“Kemi indikacione të qarta që ai është shumë i radikalizuar. Selafist dhe konservator. Ai ishte i rrezikshëm për shoqërinë dhe sigurinë tonë kombëtare”, është shprehur ai.

Mirëpo Francken nuk ka treguar emrin e imamit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm